Internetni portlatgan kundalik.com platformasi haqida barchasi haqida batafsil ko‘rib chiqamiz. Kundalik.com Tizimi – onlayn rejimda darslarning jadvalini tuzish, o‘qituvchilar uchun darsbay rejalarni shakllantirish, davomat va o‘quvchilarning o‘zlashtirishini jurnal va kundalikning elektron shakllarida qayd etish, shuningdek, ta’lim tashkilotlari va ta’lim organlariga statistik hisobot tuzish vositalarini taqdim etish imkonini beradi.
“Kundalik” o‘quvchilar va ularning ota-onalari uchun tunu-kun baho va uy vazifalarini, samarali muloqot uchun himoyalangan tarmoqni va qo‘shimcha ta’lim manbalaridan foydalanish imkoniyatini taqdim etadi.
Kundalik.com nima?
ООО «Kundalik» – o‘qituvchilar, o‘quvchilar, ota-onalar, ta’lim muassasalari ma’muriyatlari hamda ta’limni boshqarish organlari vakillari uchun yagona elektron ta’lim platformasini ishlab chiquvchi Axborot texnologiya kompaniyasidir.
«Kundalik.com» tizimiga obuna bo‘lish ota-onalar uchun ixtiyoriy sanaladi. Bu haqda Xalq ta’limi vazirligi ma’lumot bergan.
Vazirlikka ko‘ra, foydalanuvchilar to‘g‘risidagi barcha ma’lumotlar «O‘zbektelekom» serverlarida saqlanadi. Bu esa o‘quv jarayonlariga aloqador barcha ishtirokchilarning shaxsiy ma’lumotlari ishonchli himoyada ekanligini anglatadi.
«Mazkur tizimning afzalliklari shundaki, bu orqali, avvalo, o‘qituvchining vaqti tejaladi, ularga elektron jurnaldan foydalanish bepul taqdim etiladi. Misol sifatida aytish lozimki, qator rivojlangan mamlakatlar o‘qituvchilari buning yordamida har chorakda 20 soatdan ortiq ish vaqtini tejaydi. Mazkur tejalgan vaqtni esa o‘qituvchi bolalar bilan ijodiy shug‘ullanishga yoki qo‘shimcha o‘quv materiallarini o‘zlashtirishga sarflashi mumkin», – deyiladi vazirlik ma’lumotida. 
Qayd etilishicha, «Kundalik.com» loyihasi to‘liq investitsiya mablag‘lari hisobidan moliyalashtirilgan bo‘lib, dasturiy mahsulotni yaratish, uni maktablarga joriy etish, saqlash va rivojlantirish uchun budjet mablag‘lari sarflanmaydi.
Mazkur elektron kundalikning narxi joriy yil uchun 8 ming so‘m (2020-yilda 9,2 ming so‘m, 2021-yilda 8,6 ming so‘m) etib belgilangan.
Mazkur tizim ota-onalar uchun qator qulayliklarni yaratadi. Jumladan, onlayn tarzda:
- farzandlarining darsga qatnashayotgani;
- darsni qay darajada o‘zlashtirib borayotgani;
- ertangi kungi uy vazifalari xususida tezkor ma’lumotlarga ega bo‘lishi mumkin.
Kundalik.com qanday ishlaydi?
O’quvchilar, ota-onalar va o’qituvchilar uchun!
O’quvchilar va ota-onalar uchun tizimga kirish uchun ma’lumotlar maktab tomonidan beriladi. Ota-onalar sinf rahbariga murojaat qilishlari kerak.
O’qituvchilar uchun ham tizimga kirish uchun ma’lumotlar maktab tomonidan beriladii. O’qituvchilar maktab rahbariyati bilan bog’lanishlari kerak.
Ta’lim tashkilotlari uchun
Karantin davrida maktablarni ulash markazlashtirilgan holda amalga oshiriladi:
- Maktab ma’muriyati Ulanish formasini to’ldiradi (Yuklab olish…);
- Maktab ma’muriyati to’ldirilgan anketani quyidagi manzil bo’yicha o’z viloyat ta’lim boshqarmasiga yuboradi;
- Ta’lim boshqarmasi ulanish uchun maktablarning ro’yxatini tuzadi va uni Ta’lim vazirligiga yuboradi;
- Tizimga kirish uchun ma’lumotlar so’rovnomada ko’rsatilgan elektron manzilga yuboriladi.
Xususiy maktablar Tizimga ulanish uchun [email protected] manziliga murojaat qilishlari lozim.
Unga qanday kirish va foydalanish kerak?
Bu tizimdan foydalanish bo‘yicha batafsil ma’lumotlar va yo’riqnomalar video yo‘riqnomalar orqali tushintirilgan. Video yo‘riqnomalarga o‘tish uchun quyidagi havolalar ustiga bosing: